10:37 | 12.06.23 820
Тошкентдаги айрим аҳоли пунктларида электр энергияси ўчирилди
«Ҳудудий электр тармоқлари» АЖ етказилаётган ноқулайликлар учун узр сўради
Бугун Тошкентнинг икки туманида жойлашган айрим аҳоли пунктларида электр энергиясида узилишлар кузатилади.
Истеъмолчиларга сифатли ва барқарор электр энергиясини етказиб берилишини таъминлаш, электр тармоқларида содир бўлиши мумкин бўлган авария ҳолатларини олдини олиш мақсадида бугун, 12 июн куни қуйидаги манзилларда электр таъминоти вақтинча тўхтатилди:
- Яккасарой туманининг: У.Носир, К.Яшин, Жамбил, Тадбиркор ҳамда Мираҳмедова кўчаларида соат 10:00 дан 17:00 гача;
- Яшнобод туманининг: Шоҳсанам, Латофат, Чашма, Шавкат ва Бунёдкор кўчалари ҳудудида соат 10:00 дан 17:00 гача.
«Ҳудудий электр тармоқлари» АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.
