0:27 | 27.04.23 810
Тошкентдан Истанбулга учган самолёт бортида чақалоқ туғилди
Она ва боланинг аҳволи барқарор деб баҳоланган
Тошкент—Истанбул йўналиши бўйича HY-273 рейси бортида 26 апрел куни чақалоқ дунёга келди. Бу ҳақда Uzbekistan Airways хабар берди.
Маълум қилинишича, туғуруқ Истанбулга яқинлашганда бошланган. 1996 йилда туғилган йўловчи Ситора А. борт кузатувчиларига оғриқ бошланганини билдирган. Бригадир вазиятни баҳолаб, бортдаги йўловчиларга улар орасида шифокорлар бўлса, ёрдам беришини сўраб мурожаат қилган. Бир оз вақт ўтгач, йўловчи ҳомиладорликнинг 28-ҳафтасида ўғил фарзандни дунёга келтирди.
«Хавфсиз қўнишдан сўнг Истанбул халқаро аэропортининг тиббиёт ходимлари бортга чиқди. Она ва янги туғилган чақалоқ клиникага ётқизилди, уларнинг аҳволи барқарор деб баҳоланди», дейилади хабарда.
