Бугун, 15 июн пойтахтнинг бир қанча туманларида электр энергияси таъминотида узилишлар кузатилади.

Истеъмолчиларга сифатли ва барқарор электр энергияси етказиб берилишини таъминлаш ҳамда электр тармоқларидаги авариявий ҳолатларни олдини олиш мақсадида бугун, 15 июн куни қуйидаги манзилларда электр таъминоти вақтинча ўчирилди:

• Яшнобод туманининг: «Товкантепа» ҳамда «Миришкор» МФЙларининг айрим ҳудудларида соат 16:00 гача;
• Миробод туманининг: «Иноқобод» ва «Банокатий» МФЙларининг айрим ҳудудларида соат 17:00 гача;
• Чилонзор туманининг: «Қатортол» ҳамда «Ҳосилот» МФЙларининг айрим ҳудудларида соат 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтилди.

«Ҳудудий электр тармоқлари» АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.