Тошкентнинг айрим ҳудудларида «свет» ўчирилади
Электр энергияси Яккасарой, Яшнобод ҳамда Учтепа туманларининг айрим маҳалла ва кўчаларида ўчирилади.
«Ҳудудий электр тармоқлари» Тошкент шаҳрининг айрим ҳудудларида 18 июл, сешанба куни электр таъминоти вақтинча тўхтатилишини маълум қилди.
Яккасарой туманидаги Ракатбоши МФЙнинг айрим кўчалари, Яшнобод туманидаги Баҳор МФЙнинг айрим кўчаларида электр 09:00 дан 17:00 гача ўчирилади. Учтепа тумани Оқ масжид ҳамда Хуршид МФЙнинг айрим кўчалари соат 09:00 дан 15:00 гача электр таъминотидан узилади.
«Ҳудудий электр тармоқлари» юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини қайд қилган.
Маълумот ўрнида, электр узилишлари истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида режали амалга оширилмоқда.
