Тошкентнинг Олмазор ҳамда Юнусобод туманларининг айрим кўчаларида 1 июл куни электр энергияси соат тунги 00:00 дан тонгги 07:00 га қадар вақтинчалик ўчирилади. 

«Ҳудуд электр тармоқлари»га кўра, 110 кВт бўлган электр узатиш кабел тармоғининг L DOK 110 кВт’ли юқори кучланишли электр узатиш ҳаво тармоғидаги темир таянч устунларига электр қурилмаларни ўрнатиш ишлари олиб борилиши сабаб бўлмоқда.

• Олмазор туманидаги «Иброҳим ота» МФЙ, «Чуқурсой» МФЙ, «Аҳил» МФЙ, «Мояриқ» МФЙларида аҳоли хонадонлари ҳамда Жоме мавзесининг тадбиркорлик субъектлари;
• Юнусобод туманининг – «Ҳасанбой» МФЙ, «Катта Ҳасанбой» МФЙ, «Шарқ ҳақиқати» МФЙ, «Туркистон» МФЙ, «Йўлариқ» МФЙ, «Акбаробод» МФЙ, «Тикланиш» МФЙларнинг қисман кўчалари ва Иссиқлик маркази вақтинчалик электр таъминотидан узилади.

Шунингдек, «Ҳудуд электр тармоқлари» юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдирган.

«Ҳудудий электр тармоқлари» АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди, — дейилади хабарда.