Тошкент шаҳар ҳокимлиги 30 июн куни — Ёшлар куни муносабати билан 14 ёшдан 30 ёшгача бўлганлар пойтахт автобусларидан бепул фойдаланиши мумкинлиги ҳақида хабар берганди.

Ижтимоий тармоқларда автобусларда йўловчи ёшлардан йўл ҳақи талаб қилаётгани ҳақида тарқалган норозиликларга «Тошшаҳартрансхизмат» расмий муносабат билдириб, айрим автобус чиптачилари ҳақиқатан ҳам ёшидан қатъий назар йўлкира сўраётгани аниқланганини маълум қилди.

Шу ўринда 14 ёшдан 30 ёшгача бўлган йўловчилардан ўз ҳақ-ҳуқуқларини талаб қилишларини ва пойтахт автобус йўналишларида йўл ҳақи учун тўлов қилмасликларини сўраб қоламиз. Келтирилган ноқулайликлар учун «Тошшаҳартрансхизмат» АЖ пойтахт аҳолиси ва меҳмонларидан узр сўрайди, — дейилади хабарда.

Маълумот ўрнида, Шавкат Мирзиёев томонидан 30 июн — Ўзбекистонда ёшлар куни деб эълон қилинган.