2023 йилнинг 8 июнидан бошлаб Uzbekistan Airways авиакомпанияси томонидан Қурбон ҳайит байрами кунлари, яъни, шу йилнинг 28 июнидан 2 июлигача амалга ошириладиган барча маҳаллий рейсларнинг авиачипталарига 50% чегирма тақдим этилади.

Чегирмадан фойдаланишнинг шартлари:

1. Авиачипталар сотуви муддати 08.06.2023 дан 02.07.2023 гача;
2. Ташув санаси: 28.06.2023 дан 02.07.2023 гача;
3. Тақдим этиладиган чегирма миқдори:

• катталар учун тарифдан – 50%;
• 2 ёшгача ва 2 ёшдан 12 ёшгача бўлган салонда жой эгалловчи болалар учун – болалар тарифига мос равишда чегирма миқдори катталар тарифининг – 50% ни ташкил қилади);
• чегирма салонда жой эгалламайдиган ва 2 ёшгача бўлган болалар учун амал қилмайди;

4. Авиачипта қайтарилганда/қайта бронлаштирилганда/қайта расмийлаштирилганда тарифга тақдим этилган чегирма авиачиптани қайтариш/қайта бронлаштириш/No-Show учун ундириладиган йиғимларга нисбатан қўлланилмайди. Болалар учун белгиланган тартибда (25% чегирма билан) ундирилади;
5. 28.06.2023 дан 02.07.2023 гача амалга ошириладиган рейсларга сотиб олинган авиачипталар қайта расмийлаштирилса ёки қайта бронь қилинса, тарифга чегирма қўлланилмайди;
6. 03.07.2023 дан бошлаб қисман фойдаланилган авиачипталар чегирмадан фойдаланган ҳолда қайта расмийлаштирилган/қайта бронь қилинган тақдирда, акция давомида амалга ошириладиган қатновларда 2-сегментга чегирма қўлланилмайди;
7. Чегирма фақат акция даврига тўғри келадиган авиақатновлар учун қўлланилади;
8. Авиачипталарни чегирма билан авиакомпаниянинг веб-сайтида, «Uzbekistan Airways Sales» филиали ва унинг агентларидан фақат Ўзбекистон фуқаролари сотиб олишлари мумкин;
9. Чегирмаларни бирлаштириш тақиқланади.

Акция доирасида авиачипталарни авиакомпаниянинг расмий www.uzairways.com сайти, UzAirways иловаси орқали, шунингдек, Uzbekistan Airways Sales филиалида ёки авиакомпания агентларидан харид қилиш мумкин.