6 октябр куни Туркия президенти Ражаб Тоййиб Эрдўғон Туркиянинг «Адолат ва Тараққиёт» партиясининг навбатдаги IV катта конгрессида иштирок этган Олий Мажлис Қонунчилик палатаси Спикери Нурдинжон Исмоиловни қабул қилди. Бу ҳақда Олий Мажлис Қонунчилик палатаси хабар берди.

Учрашувда Исмоилов Туркия Олий Мажлисидаги депутатларнинг Туркияни яхши ривожланиши ва дунёнинг етакчи давлатлари орасидан муносиб жой олишига ҳисса қўшишганини таъкидлаган бўлса, Ражаб Тоййиб Эрдўғон Ўзбекистон сўнгги йилларда эришаётган ютуқлари билан катта ривожланган давлат эканлиги ва турк давлатлари орасида кучли мавқега эгалигини айтиб ўтган. Шу сабаб Туркия президенти Ўзбекистонни Туркий давлатлар ташкилотининг доимий аъзосига айланишига умид қилган.

Икки томонлама муносабатларнинг босқичма-босқич ривожланиб бораётганидан мамнун Исмоилов парламентларнинг ҳам бу жараёнга ҳисса қўшиши кераклиги ва бу борада қадам ташлаш керак бўлган соҳалар мавжудлигини айтиб ўтган.

Эслатиб ўтамиз, Туркиянинг Cengiz Holding компанияси Шавкат Мирзиёевга 5,2 млрд долларлик лойиҳаларни тақдим этганди. Лойиҳага кўра, Тошкент ва Сирдарё вилоятларида умумий қуввати 460 мегаваттли замонавий электр станциялар ишга туширилган.