Баку шаҳрида бўлиб ўтган Қўшилмаслик ҳаракати Мувофиқлаштирувчи бюросининг вазирлар йиғилиши доирасида Ўзбекистон ташқи ишлар вазири Бахтиёр Саидов Озарбайжон ташқи ишлар вазири Жайҳун Байрамов билан музокаралар ўтказган.

ТИВ маълумотига кўра, ташқи сиёсат идоралари раҳбарлари Ўзбекистон—Озарбайжон стратегик шериклигини мустаҳкамлаш йўлларини муҳокама қилишган.

Томонлар Ўзбекистон ва Озарбайжон президентларининг саъй-ҳаракатлари натижасида икки томонлама ҳамкорлик иқтисодиётдан тортиб халқ дипломатиясигача бўлган барча соҳаларда жадал ривожланаётганини алоҳида таъкидлади.