17:30 | 13.09.23 656
Ўзбекистонда юрак-қон томир касаллиги бор беморлар даволаш билан қамраб олинади
Шунингдек, бу даврда тиббий ёрдамга муҳтож аҳолининг 70 фоиз мурожаатлари бирламчи бўғиннинг ўзида ҳал қилинади.
Ўзбекистонда 350 минг нафар диабет ва 1,5 миллион юрак-қон томир касаллиги бор беморлар даволаш билан тўлиқ қамраб олинади. Бу ҳақда «Ўзбекистон-2030» стратегиясида қайд этилган.
Шунингдек, бу даврда тиббий ёрдамга муҳтож аҳолининг 70 фоиз мурожаатларини бирламчи бўғиннинг ўзида ҳал қилишни йўлга қўйиш мақсад қилинган.
Бундан ташқари, 2030 йилгача мамлакат бўйлаб гемодиализ ўрин-жойлари билан беморлар тўлиқ қамраб олиниши режалаштирилган.
Эслатиб ўтамиз, лойиҳага кўра Ўзбекистонда гепатит «С» билан касалланган болалар тўлиқ давлат бюджети ҳисобидан даволаниши хабар қилинган.
