Ўзбекистонда маданий мерос объектлари ҳудудига бир марталик пластик маҳсулотларни олиб кириш тақиқланади

Қоидани бузган фуқаролар 8,25 млн. сўмгача, мансабдор шахслар эса 9,9 млн. сўмгача жаримага тортилишлари мумкин.

Ўзбекистонда моддий маданий мерос объектлари жойлашган ҳудудларга бир марталик пластик маҳсулотларни олиб кириш, сотиш ва ишлаб чиқариш тақиқланади.

Экология, атроф-муҳитни муҳофаза қилиш ва иқлим ўзгариши вазирлиги ташаббусида ишлаб чиқилган қонун лойиҳаси атроф-муҳитни ифлосланишдан асрашга қаратилган.

Қонун лойиҳасига кўра, бунинг учун фуқаролар 8,25 млн. сўмгача, мансабдор шахслар эса 9,9 млн. сўмгача жаримага тортилишлари мумкин.

Олиб кириш, сотиш ва ишлаб чиқариш тақиқланган бир марталик пластик маҳсулотларнинг рўйхати Вазирлар Маҳкамаси томонидан тасдқиланади.

Эндиликда Вазирлар Маҳкамаси ҳукумат қарорларини ушбу Қонунга мувофиқлаштиради. Республика ижро этувчи ҳокимият органлари эса, ушбу Қонунга зид бўлган ўз норматив-ҳуқуқий ҳужжатларни қайта кўриб чиқишлари ва бекор қилишлари таъминланади.

Қонун 2026 йилнинг 1 июл санасидан эътиборан кучга киради.

Мавзуга доир хабарлар билан танишинг: