2023 йилнинг 9 июл куни бўлиб ўтадиган Ўзбекистон Президентлигига сайлов арафасида барча партия номзодларини қўллаб-қувватлаб, имзо йиғиш жараёнлари ўтказилмоқда. Қоидага кўра, сайловда иштирок этишга рухсат берилган сиёсий партиядан кўрсатилган номзодни сайловчиларнинг камида бир фоизи қўллаб-қувватлаб имзо қўйиши керак.

Халқ демократик партиясидан Президентликка номзод Улуғбек Илясович Иноятов учун имзо йиғиш истагани билдирган фуқаролар жадвалда кўрсатилган манзилларга ташриф буюриб, ўз имзоларини қолдириши мумкин.

Шунингдек, Ўзбекистон Экологик партиясида имзо тўплаш жараёнлари партиянинг 3 мингдан ортиқ бошланғич партия ташкилоти, партия фаоллари билан биргаликда ташкил этилмоқда. Ушбу партия номзоди учун имзо қўйиш истагини билдирган фуқаролар жадвалда кўрсатилган жойларда ўз имзоларини қолдириши мумкин.

«Миллий тикланиш» партияси ҳам имзо йиғиш ишларини олиб бормоқда. Ҳусусан, Наманган шаҳридаги «Янги Ўзбекистон – ёшлар зиё маскани»да кўплаб сайловчилар партиядан кўрсатилган номзодни қўллаб-қувватлаб, имзо варақасини тўлдирди.

Аввалроқ «Адолат» партияси номзоди учун ҳам имзо йиғиш жараёнлари ўтказилаётгани ҳақида хабар берилганди.