13:18 | 16.06.23

                       

Ўзбекистоннинг икки вилоятида валюта айирбошлаш билан шуғулланиб келган шахслар ушланди

Мазкур ҳолатлар юзасидан Жиноят кодексининг 177-моддаси билан жиноят ишлари қўзғатилган

Бош прокуратура ҳузуридаги Департаментнинг Когон шаҳар бўлими томонидан ўтказилган тезкор тадбирда валюта айирбошлаш билан шуғулланиб келган фуқаролар қўлга олинди.

Аниқланишича, фуқаро Ф.Р. ва фуқаро М.А. фуқаро Г.Р.дан жами 5 000 АҚШ долларини 57 млн сўмга сотиб олган вақтларида ашёвий далилар билан ушланган.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти

Шу каби, Департаментнинг Наманган шаҳар бўлими томонидан ўтказилган тезкор тадбирда валюта айирбошлаш билан шуғулланиб келган У.А. жами 3 000 АҚШ долларини фуқаро Н.М.га 34,5 млн сўмга сотган вақтида ашёвий далилар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

Мавзуга доир хабарлар билан танишинг: