14:09 | 18.09.23
Бу 20-22 сентябр кунлари кучли ёмғир ёғиши кутилаётгани билан боғлиқ.
«Ўзгидромет» 20-22 сентябр кунлари Ўзбекистон ҳудудида кучли ёмғирлар ёғиши кутилаётгани сабабли 7 та вилоятнинг айрим туманларида сел-сув тошқинлари юзага келиши мумкинлигидан огоҳлантирди.
Қайд этилишича, кучли ёғингарчилик сабабли республиканинг тоғолди ва тоғли ҳудудларида, жумладан:
Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;
Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманларида;
Жиззах вилоятининг Зомин, Бахмал, Ғаллаорол, Шароф Рашидов, Фориш, Янгиобод туманларида;
Тошкент вилоятининг Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманларида ҳамда Ангрен ва Олмалиқ шаҳарларида;
Наманган вилоятининг Поп, Косонсой, Чортоқ, Чуст, Наманган, Янгиқўрғон туманларида;
Фарғона вилоятининг Сўх, Шоҳимардон, Фарғона, Бешариқ туманларида;
Андижон вилоятининг Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонобод шаҳрида сел-сув тошқинлари юзага келиши мумкин.
«Тоғолди ва тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёт чораларини кўришларини сўраймиз», дейилади хабарда.
Эслатиб ўтамиз, аввалроқ «Ўзгидромет» 18-22 сентябр кунлари кузатиладиган об-ҳаво ҳақида маълумот берганди.
Мавзуга доир хабарлар билан танишинг: