15:41 | 03.07.24

                       

Зомин қўриқхонасидаги фотоқопқонга ноёб Туркистон силовсини муҳрланди

Зомин қўриқхонасидаги фотоқопқонга ноёб Туркистон силовсини муҳрланди. Уларнинг қўриқхонадаги сони 20 тага ҳам бормайди.

Зомин давлат қўриқхонасида ўрнатилган фотоқопқон Туркистон силовсинини муҳрланди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.

Маълум қилинишича, Туркистон силовсини оддий силовсиннинг кенжа тури бўлиб, келиб чиқиши Ўрта Осиёга бориб тақалади. Ғарбда Марказий Осиёда, Жанубда эса Осиёдан Хитой ва Мўғулистонгача кенг тарқалган мушуклар оиласининг йиртқич вакилидир.

Ўрта Осиёда Туркистон силовсини асосан очиқ ўрмонлар ва даштларда яшайди, шунингдек, Ўрта Осиёнинг чўл минтақаларидаги тошли адирлар ва тоғларда ҳам учраши мумкин. Асосан қуёнлар билан озиқланади ва бу йиртқич мушуклар 17 йилгача умр кўради. Ўзбекистон Қизил китобига киритилган.

Туркистон силовсини ҳозирги кундаги сони Зомин давлат қўриқхонасида 17-19 тани ташкил қилади.

Мавзуга доир хабарлар билан танишинг: