Нима бўлди?

15 октябрь куни Хоразм вилояти Хонқа туманидаги 36-сон умумий ўрта таълим мактабида ўқувчининг онаси С.Р. ва ўқитувчи Г.Р. ўртасида зиддият юз бериб, жанжалга айланиб, С.Р. ўқитувчига енгил тан жароҳати етказган.

Қандай чоралар кўрилди?

• Дастлаб ички ишлар органлари томонидан Маъмурий жавобгарлик тўғрисидаги кодекснинг 41 (Туҳмат) ва 52 (Енгил тан жароҳати етказиш) моддалари бўйича иш қўзғатилиб, тўпланган ҳужжатлар судга юборилган.
• Бироқ, Бош прокуратура мазкур қарорни ўрганиб чиқиб, уни асоссиз деб топиб, бекор қилган.

18 ноябрь куни С.Р.га нисбатан Жиноят кодексининг 277-моддаси 2-қисми «а» банди (Безорилик) билан жиноят иши қўзғатилди.

Тергов ҳаракатлари ички ишлар органлари томонидан олиб борилмоқда. Жиноят иши Хоразм вилояти прокуратураси томонидан назоратига олинган.