Эътиборингизга 21 майнинг диққатга сазовор суратларини тақдим этамиз.

Испаниянинг Тенерифе шаҳрида кучли ўрмон ёнғинлари содир бўлди.

Австралияда талабалар иқлим ўзгаришларининг олдини олишда сусткашликка йўл қўйган амалдорларга норозилик намунаси сифатида намойишга чиқди.

Англиянинг Шарқий Сюссекс графлиги соҳилларида кучли шамол натижасида денгиз суви соҳилдаги маёқ турган ҳудудга отилиб чиқди.

Исроил армияси томонидан бомбардимон қилинган Ғазо секторига одамлар қайтиб келмоқда.

Бразилиянинг Амазона штатида дарё сувининг ошиши натижасида сув тошқинлари келиб чиқди. Аҳоли хавфсиз ҳудудларга кўчиб ўтмоқда.

Уругвай пойтахти Монтевидео шаҳри марказида диктатура режими қурбонлари бўлган кишиларнинг суратлари қўйиб чиқилди.

Исроил ҳамда Ҳамас гуруҳи ўртасида имзоланган сулҳни нишонлаётган Ғарбий соҳилдаги фаластинликлар.

Бразилияда коронавирусдан даволанаётган бемор ва ҳамшира шифокорлар шарафига уюштирилган филармония оркестри концертини томоша қилмоқда.

Сиднейда Халқаро медитация куни муносабати билан қироллик Ботаника боғида медитация маросими ўтказилмоқда.

Испания ҳамда Марокаш чегарасида чегарани ошиб ўтмоқчи бўлаётган муҳожирлар. Сўнгги кунларда мазкур ҳудудда муҳожирлар билан боғлиқ инқироз кузатилмоқда. 8000 га яқин африкалик муҳожирлар Испания чегарасини кесиб ўтишга уринган.