Тошкент метрополитенида эркак ҳожатини чиқаргани акс этган видео тарқалди. Пойтахт метрополитени ахборот хизмати ҳолат юзасидан изоҳ берди.

Маълум бўлишича, ҳолат 27 сентябрь санасида содир этилган. Шундан сўнг ҳуқуқ-тартибот идоралари ходимлари томонидан ушбу фуқаронинг шахсига аниқлик киритилган. Ҳозирда белгиланган тартибда фуқарога нисабатан терговга қадар суриштирув ишлари амалга оширилмоқда.

Шунингдек, метрополитен матбуот хизмати йўловчилардан метрополитендан фойдаланиш вақтида белгиланган тартиб-қоидаларга амал қилиш ва тозаликка риоя қилишини сўраган.

Маълумот учун, Тошкент метрополитенида ҳожатхонани фақат Чилонзор бекатидан топиш мумкин. Бу 23 февралдан ишга туширилган бўлиб, ундай фойдаланиш пулли.