Фарғона вилоятида жойлашган ҳайвонoт боғида Африкадан олиб келтирилган битта зебра ўлиб қолди.

Bugun.uz’даги маълумотларга кўра зебра жасади ёриб кўрилган.

Ҳайвоннинг олиб келингандаги ҳолати қандай бўлса, ўлгунига қадар ҳам яхши бўлган. Фақат ҳаракатлари камайган.

Мутахассислар томонидан зебранинг ўлимига қарилик сабаб қилиб кўрсатилган. Улар буни зебралар тахминан 10-15 йил умр кўриши билан изоҳлашган.

Касаллигининг сабабини аниқлаш учун зебра мурдаси тегишли ташкилотлар олдида ёриб кўрилган. Ҳайвоннинг ўпка, ошқозон, қоражигар ва ичаклари текширув учун лаборатияга бериб юборилган.

Маълумот учун, ҳайвоннинг айни вақтдаги ёши тахминан 11-12 ёшлар атрофида бўлган. Шунингдек, у охирги бир йилдан бери секин юрадиган бўлиб қолган. Аввал соғлиғи бўйича умуман муаммо бўлмаган. Асосан, қуритилган беда, макка, қанд лавлагиси каби нарсалар билан овқатлантирилган.

Эслатиб ўтамиз, аввалроқ, Тошкент ҳайвонот боғида 20 август куни вафот этган 9 ёшли Алатау лақабли ягона жирафанинг ўлими сабаблари oчиқланганди.