Сўнгги 29 ой ичида CОВИД-19 вирусига қарши 217 доза вакцина олган Германия фуқаросида ножўя таъсирлар кузатилмади. Бу ҳақда «Euronews» хабар берди.

Маълум бўлишича, Нюрнбергдаги Эрланген университети тадқиқотчиларининг фикрича, эркак «қасддан ва шахсий сабабларга кўра» вакцинани ҳаддан ортиқ қабул қилган. Бу ҳақда газетадан ўқиган тадқиқотчилар фуқаро билан боғланиб, унинг танасининг Kовид-19 вакциналарига реакциясини ўрганиш учун тестлар ўтказган.

«У жами саккиз хил вакцинани олди. Бундай гиперваксинацияга қарамасдан ҳеч қандай ножўя таъсирлар кузатилмагани дориларнинг жуда яхши эканлигини кўрсатади», – деди Эрланген-Нюрнберг университети доктори Килиан Шобер.

Тадқиқот гуруҳи бу одамда вакцинанинг уч дозасини олган назорат гуруҳидаги одамларга қараганда юқори иммунитет ҳужайралари ва коронавирусга қарши антитанага эга эканлигини аниқлади.

Прокурорлар фирибгарлик ишининг бир қисми сифатида тўққиз ой давомида 130 та вакцинани кўриб чиқди, бироқ бу одамга нисбатан жиноий иш қўзғатилмаган, дейди тадқиқотчилар.