20:39 | 25.07.24
Фотима Режаметова нега отасининг ўлимида ўзини айбдор деб ҳисоблашини айтди/
Актриса Фотима Режаметова журналист Шоира Мирсодиқовага берган интервьюсида нега отасининг ўлимида ўзини айбдор деб ҳисоблашини айтди.
Унинг таъкидлашича, актриса кўп нарсани олдиндан сезадиган ҳислати бор.
«У пайтда ҳамма билган. Энди акамнинг тўйини ўтказган эдик. Мен кўп нарсани сезаман ва ёшимга нисбатан бир қадам олдинда юрардим. Чунки шу касб ичида жуда тез катта бўлганман.
Лекин Москвадан поездда қайтаётганимизда, 3 ярим сутка вақтимиз кетган. Сочлари оппоқ қордек эди.
Шу пайт миямга фикр келди. Дадам ўлиб қолса, мен қандай яшайман, деб ўйладим. Кейин нима бўлади, дедим ичимда. Кейин оғзимга уриб ташладим. Дадам менга қарадилар. Сездирмадим», — дейди актриса.
Фотима Режаметованинг айтишича, шундан 5 кундан кейин дадаси вафот этган.
«Автоҳалокат ҳам деб бўлмайди, жуда оддий ҳодисага ўхшаб кўринган. Энг яқин дўстлари шифохонага олиб борган, лекин жони узилган.
Бизни қўшниникига чиқариб юборишган. Дадам ўлганини ҳам айтишмаган. Лекин ниманидир кўнглим сезиб, онамга қўнғироқ қилдим. Билардим, жиддийроқ сабаб айтмасам, онамни телефонга чақириб беришмайди. 12 ёшда эдим. Телефон қилиб, театрдан безовта қиляпман, Ширин опани чақириб беринг, деганман. Онамнинг овози бошқачароқ эди, ҳаммаси яхши дедилар.
Қўшнимиз дадангнинг ошқозонини ювишяпти, деди.
Кейин уйимизга чиқдик. Онам бир кунда қариб қолгандилар. Энди даданг йўқ, деб йиғлардилар», — дейди у.
Мавзуга доир хабарлар билан танишинг: