«Минский моторный завод» очиқ акциядорлик жамияти ва «Planeta Servis» масъулияти чекланган жамияти Ўзбекистонда дизель-генераторлари ва компрессор станцияларини йиғишни ташкил этишга қаратилган янги лойиҳа бўйича келишувга эришди. Бу ҳақда «Belta»га таяниб, ЎзА хабар берди.

Кулишувга кўра, «Беларус» русумли қишлоқ хўжалиги техникасини йиғишни йўлга қўйиш бўйича лицензия шартномалари имзоланди. Келгусида компаниялар Ўзбекистонда қишлоқ хўжалиги тракторларини ишлаб чиқаришни маҳаллийлаштиришни режалаштирмоқда.

Қайд этилишича, 2023 йилда Минск мотор заводи мамлакатимизга трактор экспортини 2022 йилга нисбатан 1,6 баробар оширган. Ўзбекистонда қуриладиган йиғиш цехи нафақат янги иш ўринлари яратади, балки мамлакатга технологиялар импорт қилинишига ҳам ҳисса қўшади.