Ўзбекистонда 105,7 минг нафар шифокор ишламоқда. Бу ҳақда Статистика агентлиги матбуот хизмати хабар берди.

Статистика агентлиги маълумотларига кўра, Ўзбекистон ҳудудида фаолият юритаётган барча мутахассисликдаги шифокорларнинг умумий сони 105,7 минг нафарни ташкил этмоқда.

Бу кўрсаткич 2019 йилга нисбатан солиштирилганда 13,8 минг нафарга ошган.

Йиллар кесимида барча мутахассисликдаги шифокорларнинг умумий сони:

• 2019 йил – 91,9 минг нафар;
• 2020 йил – 93,3 минг нафар;
• 2021 йил – 95,6 минг нафар;
• 2022 йил – 100,5 минг нафар;
• 2023 йил – 105,7 минг нафарни ташкил этган.