12:12 | 01.08.24
Қашқадарёда 41 ёшли аёлнинг 23 ёшли эри танишининг 1 ёшли қизини ваҳшийларча дўппослаб ўлдирди.
Қашқадарёда аёл эри билан биргаликда дугонасининг 1 ёшли боласини уриб ўлдирди. Бу ҳақда Bugun.uz сўровига асосан, Бош прокуратура матбуот котиби Ҳаёт Шамсутдинов хабар берди.
Қашқадарё вилояти Қарши шаҳрида 21 июль куни соат 12:00 ларда 2023 йилда туғилган қизалоқ касалхонага ўлик ҳолда олиб келинган. Аниқланишича, марҳуманинг онаси, 1988 йилда туғилган А.Н. 2024 йил апрель ойида Россияга ишлашга кетиш учун қизига энага ёллаган.
Россияга кетганидан кейин шу йил май ойида дугонаси, 1983 йилда туғилган аёл қўнғироқ қилиб, ёллаган энага унинг фарзандига яхши қарамаганлиги сабабли боласига ўзи қараб туришини айтган. Шундан сўнг дугонаси марҳумани ўзининг уйига олиб келган. 20 июль соат 11:30 ларда бирга яшовчи турмуш ўртоғи, 2001 йилда туғилган эркак қарамоғида бўлган марҳума танасини турли қисмларига уриб, жароҳат етказганлиги аниқланган.
Маълум бўлишича, 20 июль куни қизалоқ тушлик вақтида кийимига хожатини чиқаргани сабабли эркак (2001 йилда туғилган) қўлининг мушти билан унинг кўкрак қафаси ва қорнига бир неча маротаба уриб, уни қасддан ўлдирган. Ўзининг жиноий қилмишини яшириш мақсадида гўёки коляскадан йиқилиб тушгани ҳақидаги важ билан шифохонага олиб борган. Эркак ушланган.
Мазкур ҳолат юзасидан 22 июль куни ЎзР ЖКнинг 97-моддаси (қасддан одам ўлдириш) 2-қисми билан жиноят иши қўзғатилган. Тергов ҳаракатлари олиб борилмоқда.
Мавзуга доир хабарлар билан танишинг: