Қозоғистон президентининг Ўзбекистонга расмий ташрифи якунланди. Бу ҳақда Президент матбуот хизмати хабар берди.

Кўҳна Хива шаҳрида ўтган олий даражадаги тадбирлар доирасида Президентлар Шавкат Мирзиёев ва Қасим-Жомарт Тоқаев икки томонлама ҳамкорликнинг долзарб масалаларини муҳокама қилдилар, минтақавий аҳамиятга молик жиҳатлар юзасидан фикр алмашди.

“Хива гиламлари” комбинати фаолияти, юртимизда ишлаб чиқарилаётган маҳсулотлар кўргазмаси билан танишилди.

Хива шаҳридаги Ичан-қалъа мажмуасининг тарихий обидалари ва Нуриллабой саройи зиёрат қилинди. Урганч халқаро аэропортида олий мартабали меҳмонни Президент кузатиб қўйди. Сўнг давлатимиз раҳбари Тошкентга жўнаб кетди.