Олий Мажлис Сенатининг эллигинчи ялпи мажлиси ўз ишини бошлади. Бу ҳақда Олий мажлис юқори палатаси ахборот хизмати хабар берди.

Қайд этилишича, 9 февраль куни бошланган ялпи мажлисда Сенат, ҳукумат аъзолари, вазирлик ва идораларнинг вакиллари, Сенат ҳузуридаги Ёшлар парламенти аъзолари ҳамда оммавий ахборот воситалари ходимлари қатнашмоқда.

Видеоконференсалоқа тарзида ўтказилаётган ялпи мажлисни Олий Мажлис Сенати раиси Танзила Нарбаева олиб бормоқда. Ялпи мажлисда масалалар муҳокамаси жараёнини Сенатнинг YouTube тармоғидаги саҳифаси орқали онлайн кузатиб бориш мумкин.