Bugun.uz маълумотларига кўра, собиқ қишлоқ хўжалиги вазири Азиз Воитов қўлга олинган. У иқтисодий жиноятлар билан боғлиқ иш юзасидан тергов қилинмоқда.

Азиз Воитов 1980 йилда Тошкент шаҳрида туғилган, 2001 йилда Тошкент молия институтини тамомлаган. 2010 йилда Олий ишбилармонлик мактабида «бизнес бошқаруви» бўйича таҳсил олган.

Азиз Воитов 2022 йил август ойи охиридан бери вазир лавозимида ишлаб келаётганди. Бунгача эса – 2020 йил март ойидан бошлаб – Инвестициялар ва ташқи савдо вазирининг (ўша вақтда Сардор Умурзоқов) биринчи ўринбосари лавозимида ишлаб келган.

Эслатиб ўтамиз, шу йилнинг 25 октябрида Азиз Воитов Қишлоқ хўжалиги вазири лавозимидан бўшатилганди. У ишдан олиниши фонида бир ярим ой ўтиб ҳибсга олинмоқда. Воитов фермерларнинг пахта нархлари бўйича шикоятлари кўпайиши ортидан ишдан олинган бўлиши мумкинлиги айтилган эди.