Тошкент вилоятига келувчи хорижий ва маҳаллий сайёҳларга қўшимча қулайликлар яратиш мақсадида «Чорвоққа» мавсумий автобуслар қатнови кўпайтирилди. Бу ҳақда Транспорт вазирлиги матбуот хизмати хабар берди.

Маълум қилинишича, автобуслар «Машинасозлар» метросидан соат 8:00, 09:00, 11:00 ва 16:30 да жўнайди.

Чорвоқдан (Ҳумсон) эса 6:00, 16:00, 18:00 ва 19:00 ҳаракатланади.

Қатновлар «Uzautotrans service» корхонасининг «Yutong» автобусларида амалга оширилади. Ушбу йўналишда йўлкира нархи 20 000 сўм этиб белгиланган.