7:39 | 15.07.24
Тошкентда айрим кўчалар ёпилди
Тошкентда айрим кўчалар ёпилди. Бунга таъмирлаш ишлари сабаб қилиб кўрсатилган (харита).
Тошкентдаги Буюк ипак йўли ва Темур Малик кўчаларининг бир қисми ёпилди. Бу ҳақда Тошкент шаҳар ИИББ ЙҲХБ матбуот хизмати маълум қилди.
Хабар берилишича, 2024 йилнинг 15 июль куни соат 00:00 дан бошлаб пойтахтнинг Мирзо Улуғбек туманидаги қуйида келтирилган кўчаларида қурилиш таъмирлаш ишлари олиб борилиши сабабли транспорт воситаларининг ҳаракати чекланган:
- Темур Малик-Боғишамол кўчалари чорраҳасидан Темур Малик кўчаси бўйлаб, Темур Малик-Султония кўчалари чорраҳасигача;
- Темур Малик-Буюк Ипак йўли кўчалари чорраҳасидан Буюк Ипак йўли кўчаси бўйлаб, Буюк Ипак йўли-Шукур Бурхонов кўчалари чорраҳасигача.
«Юртдошларимиздан юзага келган ноқулайликлар учун узр сўраган ҳолда, айланма йўллардан фойдаланишларини сўраб қоламиз», дейилади хабарда.
