10:24 | 15.07.24
Тошкентда кўп қаватли уйлардан бирида ёнғин чиқди
Тошкентда кўп қаватли уйлардан бирида ёнғин чиқди.
Тошкент шаҳар Фавқулодда вазиятлар бошқармаси Яшнобод туманида содир бўлган ёнғин тўғрисида маълумот берди.
Қайд этилишича, 14-июл куни соат 22:10 да Яшнобод тумани, «Ватандош» МФЙ Тузел даҳаси 12-А уйдаги хонадонларнинг бирида ёнғин содир бўлаётгани тўғрисида пойтахт ФВБга хабар тушган.
Шунга кўра, ёнғин-қутқарув экипажлари соат 22:18 да воқеа жойига етиб бориб, ёнғин соат 22:33 да ўчирилган. Содир бўлган ёнғин натижасида хонадондаги уй жиҳозлар ёнган.
Ёнғин сабаби ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ.
