Ижтимоий тармоқларда Тошкентда Миллий гвардия ходими ўзини отиб қўйгани ҳақида хабарлар тарқалди. Бош прокуратура матбуот котиби Ҳаёт Шамсутдинов Bugun.uz’га ҳолат юзасидан маълумот берди.

Қайд этилишича, воқеа бугун, 17 октябр куни Олмазор туман прокуратураси биносида содир бўлган. 30 ёшли ходим ўзига бириктирилган қурол билан ўзини отган.

Айни пайтда ҳолат юзасидан Тошкент ҳарбий прокуратураси томонидан терговга қадар текширув ҳаракатлари олиб борилаётгани маълум қилинди.

Эслатиб ўтамиз, аввалроқ Тошкент вилоятида собиқ ҳоким ёрдамчиси, Фарғонада эса профилактика инспектори ўзини отиб қўйганди.