16 февраль куни Тошкентдан Фарғонага қўшимча авиақатнов амалга оширилади. Бу ҳақда «Uzbekistan Airways» ахборот хизмати хабар берди.

Қайд этилишича, Тошкент-Фарғона-Тошкент йўналиши бўйича қўшимча авиақатнов 16 февраль куни йўлга қўйилади. Парвозлар қуйидаги жадвалга мувофиқ амалга оширилади:

HY81 қатнови, Тошкент–Фарғона йўналиши

• Тошкентдан жўнаб кетиш: соат 18:00;
• Фарғона шаҳрига етиб келиш: соат 18:50.

HY82 қатнови, Фарғона–Тошкент йўналиши

• Фарғона шаҳридан жўнаб кетиш: соат 20:00;
• Тошкентга етиб келиш: соат 20:50.

Аввалроқ Ўзбекистон-Хитой ўртасидаги авиақатновлар сони ҳафтасига 100 тага етказилиши ҳақида хабар берилганди.