Қамчиқ довонида ҳаво булутли бўлиб, ҳарорат 0 даражага тушди. «Қамчиқавтойўл» маълумотига кўра, айрим жойларда ёмғир қорга айланган. Ҳаво туманли, айрим йўл участкаларида кўриш масофаси чекланган.

Довон орқали ҳаракатланувчи ҳайдовчилар учун ҳаво шароити хавфсизлик нуқтаи назаридан жиддий аҳамиятга эга. Ёғингарчилик ва 0 даража ҳарорат автомобил бошқаришни қийинлаштиради, шу сабабли ҳайдовчилардан эҳтиёткорлик чораларига кўриш сўралмоқда.

Қайд этилишича, автотранспорт ҳаракатининг икки томонидан ҳам хавфсизлиги таъминланган, аммо ҳайдовчиларга тезликни меъёрдан оширмаслик, оралиқ масофани сақлаш ва барча хавфсизлик қоидаларига риоя қилиш тавсия қилинган.

Маълумот ўрнида, Урал ҳудудидан совуқ ҳаво массаларининг кириб келиши сабабли республиканинг кўплаб ҳудудларида ёмғир ёғиши, тоғли ҳудудларда ёмғир қорга айланиши кутилмоқда.