Ўзбекистоннинг биринчи президенти Ислом Каримов 2016 йилнинг 2 сентябр куни Тошкент шарида вафот этган. Шифокорлар берган тиббий хулосага кўра, марҳум президент бош мияда қайта тикланмайдиган ўзгаришларга ва полиорган етишмовчилигига олиб келган мия қон айланишининг ўткир бузилиши (инсулт) оқибатида дунёдан кўз юмган.

Эртаси куни, 3 сентябрда дафн маросими ташкиллаштирилиб, шаҳар кўчаларида «мотам кортежини» кузатгани минглаб фуқаролар йиғилган. Кортеж Тошкент кўчаларида аэропорт томон аҳоли ҳамроҳлигида ҳаракатланган. Дафн маросимини ўтказиш учун комиссия тузилган ва ҳозирги президент Шавкат Мирзиёев, Рустам Иноятов ҳамда Рустам Азимов каби давлат ва жамоат арбоблари комиссия таркибидан ўрин олган.

Ислом Каримов ўзи туғилган Самарқанд шаҳрига дафн этилган ва биринчи президент шарафига бу ерда мақбара ҳам бунёд этилган. Каримов вафоти муносабати билан Ўзбекистонда бир қатор хорижий давлатлар раҳбарлари ва ҳукумат вакиллари ташриф буюрган.

Жумладан, маросимда:

• Туркманистон Президенти Гурбангули Бердимуҳамедов,
• Тожикистон Президенти Эмомали Раҳмон,
• Афғонистон Президенти Ашраф Ғани,
• Россия Бош вазири Дмитрий Медведев,
• Хитой Халқ Республикаси Давлат кенгаши Бош вазири ўринбосари Зҳанг Гаоли,
• Корея Республикаси Бош вазири ўринбосари Леэ Жонг-сеок,
• Беларус Бош вазири Андрей Кобяков,
• Қозоғистон Бош вазири Карим Масимов,
• Озарбайжон Республикаси Миллий Мажлиси Раиси Оқтай Аседов,
• Грузия Республикаси Бош вазири Гиорги Квирикашвили,
• Қирғизистон Бош вазири Сўронбой Жеэнбеков,
• Туркия Бош вазири ўринбосари Туғруль Туркеш,
• Украина Бош вазирининг биринчи ўринбосари Степан Кубив,
• Бирлашган Араб Амирликлари давлат вазири Рашид ибн Аҳмад ибн Фаҳад,
• Арманистон Республикаси парламенти вице-спикери Эрмине Нагдалян,
• Япония парламент вазири Мотоме Такисава,
• Эрон Ислом Республикаси ташқи ишлар вазири Муҳаммад Жавад Зариф,
• МДҲ Ижроия қўмитаси раиси — Ижрочи котиби Сергей Лебедев ва бошқалар иштирок этган.