«Ўзбекистон 2030» стратегияси юзасидан қабул қилинган Президент қарорига кўра, «Ўзбекистон – 2030» стратегиясининг қонун устуворлигини таъминлаш, халқ хизматидаги давлат бошқарувини ташкил этиш йўналиши доирасида бир қатор ўзгаришлар амалга оширилади. Унга кўра, фуқаролар чет элдан туриб ҳам нотариал битимларни расмийлаштириши мумкин бўлади.

Маълум қилнишича, 2024 йил 1 январдан аҳолига йўл ҳаракати хавфсизлиги соҳасида давлат хизматларини кўрсатишда, шу жумладан автомототранспортларни давлат рўйхатидан ўтказишда уларнинг олди-сотди шартномалари ва бошқа нотариал тасдиқланган битимларни «Нотариус» автоматлаштирилган ахборот тизимидан олиш амалиёти йўлга қўйилади.

Шунингдек, 2024 йил 1 мартдан нотариал идорага келмасдан, шу жумладан чет элдан туриб мол-мулкдан фойдаланиш билан боғлиқ битимларни (мулк ҳуқуқини бошқа шахсга ўтказишдан ташқари) электрон рақамли имзодан фойдаланиб, видеоконференцалоқа орқали расмийлаштириш тартиби йўлга қўйилади.

Эслатиб ўтамиз, Ўзбекистонда 2021 йилда илк бор нотариус хизматини масофадан кўрсатиш йўлга қўйилганди.