Оҳангарон туманида 4 ноябрь куни автобус ва Cobalt иштирокидс ЙТҲ юз берди. Бу ҳақда Тошкент вилояти Ички ишлар бош бошқармаси матбуот котиби хабар берди. 

Маълум бўлишича, воқеа соат 07:00 ларда «Олмалиқ-Тошкент» автомобиль йўлининг 27 километрида юз берган. Cоbalt қайрилиб олаётган Isuzu автобус билан тўқнашув содир этган. Кейин автоуловларда қисқа туташув сабаб ёнғин келиб чиққан.  

Оқибатда енгил машина ҳайдовчиси тан жароҳати олиб, туман марказий шифохонасига мурожаат қилган. Ҳозирда ҳолат юзасидан Оҳангарон тумани ИИБ ҳодимлари томонидан суриштирув ишлари олиб борилмоқда.