23:41 | 27.07.24
Тошкентда шифокорларни комага тушиб қолгунча калтаклаганларга нисбатан «безорилик» билан жиноят иши қўзғатилди.
Тошкентдаги 1-сон шаҳар клиник шифохонасида икки нафар шифокорга тан жароҳати етказган шахсларга нисбатан Жиноят кодексининг 277-моддаси (Безорилик) билан жиноят иши қўзғатилган. Бу ҳақда Бош прокуратура матбуот котиби хабар берди.
Маълум қилинишича, гумонланувчилар процессуал тартибда ушланган. Ички ишлар органлари томонидан тергов ҳаракатлари олиб борилмоқда.
Эслатиб ўтамиз, Тошкентда операция қилинаётган бемор ва унинг дўстлари икки шифокорни кома ҳолатига тушиб қолгунча дўппослагани ҳақида хабар берилган эди. Шифокор жонлантириш бўлимига ётқизилган.
Мавзуга доир хабарлар билан танишинг: