«Тошкент метрополитени» 8 апрел куни Тошкент шаҳрига тўрт вагонли яна 2 та янги замонавий метро поездлари олиб келингани ҳақида хабар берди.

Йўналишлардаги вақт интервалларини қисқартириш мақсадида, ушбу ҳаракат таркиблари белгилан йўриқномага асосан, 8-10 кун давомида техник синовдан ўтказилиб, сўнгра йўловчиларга хизмат қилиши учун йўналишларга чиқарилади.

2024 йил май ойида яна 3 та метро поезди олиб келиниши режалаштирилган. Бу режавий ишлар натижасида, метро вагон паркларини янгилаш ва белгиланган вақт интервалларини янада қисқартишга эришиш мақсад қилинган, – дейилади хабарда.

Аввалроқ, Тошкент метроси учун тўрт вагонли учта янги поезд олиб келингани ҳақида хабар берилганди.