UzAuto Motors харидорларига огоҳлантириш билан чиқди. Унга кўра, мижоз билан тузилган шартномага асосан, автомобилни етказиб бериш муддати шартнома бандида кўрсатилган муддатдан ўтмаслиги керак. Шу билан бирга, ушбу шартномада автомобилни сақлаш муддати дилерлик марказига етказиб берилгандан сўнг, беш иш кунидан ошмаслиги кўрсатилган.

«Агар харидор ушбу муддат ичида ўз автомобилини дилерлик марказидан олиб кетмаса, компания автомобилни навбат тартиби асосида кейинги мижозга беришга мажбур бўлади» дейилган хабарда.

Компания шу билан бирга, харидорларни 2023 йилда ишлаб чиқарилган автомобил 2024 йилнинг 1 январидан кейин олиб кетилса, унинг ишлаб чиқариш йили ўзгариши қабилидаги миш-мишларга ишонмасликка чақирган.

«Бутун ишлаб чиқариш ҳажми, жумладан Chevrolet Lacetti ва Tracker моделлари 2023 йилгача ишлаб чиқарилади. Бутун ишлаб чиқарилган автомобиллар ҳажми, шу жумладан Chevrolet Lacetti ва Tracker моделлари ҳам 2023 йилнинг модели сифатида ишлаб чиқарилади» дея қўшимча қилган UzAuto Motors.

Аввалроқ, UzAuto Motors Damas, Labo, Cobalt машиналарини қачон сотиб бошлашини маълум қилганди.
Компания дилерлик марказларида машиналарга шартномаларни олишдаги тартибсизлик ва кескинликни камайтириш учун оффлайн савдодан воз кечмоқчилиги ҳақда хабар берилганди.