Коронавирусга қарши эмлангандан сўнг совуқ сув истеъмоли беморга мумкин ёки мумкин эмаслиги ҳақида Санитария-эпидемиологик осойишталик ва жамоат саломатлиги хизмати ходими Насиба Тоирова маълумот берди.

Таъкидланишича, коронавирусга қарши вакцина олган фуқаро уч кун мобайнида чўмилиши, офтобда юриши ёки оғир жисмоний меҳнат қилиши мумкин эмас. Иложи борича, ушбу кўрсатилган муддат давомида ўзини эҳтиёт қилиши талаб этилади. Ушбу кунларда об-ҳавонинг ўзгариши, яъни салқин тушиши кузатилгани сабаб cовуқ сувдан фойдаланиш ва ичмаслик талаб қилинган. Чунки бундай пайтда совуқ ичимликларни ичиш оқибатида томоқ оғриши ёки шамоллаш ҳолатларини келтириб чиқариши мумкин.

Аввалроқ вакцина қабул қилгандан сўнг бир неча ҳафта чўмилмаслик кераклиги айтилган хабарларга ойдинлик киритилган эди. Шунингдек, Ўзбекистонда фуқаролар вакцина олишдан олдин нималарга эътибор бериши ҳақида хабар берилган эди.