ФВВ Сейсмопрогностик мониторинг Республика марказининг хабар қилишича, Ўзбекистонда зилзила қайд этилган.

Айтилишича, зилзила бугун, 6 ноябр куни маҳаллий вақт билан соат  03:57 (Гринвич бўйича 5 ноябр соат 22:57) да рўй берган. Ер ости силкинишининг магнитудаси — 4,7 баллни ташкил этган. Чуқурлик 15 километр бўлиб, зилзила эпицентри Тошкентдан 521 км жануби-ғарбда кузатилган.

Бухоро вилоятининг Пешку туманида сезилиш кучи 2-3 баллни ташкил этган.

Эслатиб ўтамиз, аввалроқ Марокашда 6,8 магнитудали зилзила содир бўлиб, зилзила қурбонлари сони 632 кишига етганди. Бундан ташқари, Ҳиндистон ва Непал чегарасида ҳам 6,4 балли зилзила кузатилганди.