19:06 | 06.09.22
Покистон ҳарбийлари мамлакатга келаётган афғонларга қарата ўқ узди
Ҳодисада ҳалок бўлган ва яраланганлар бор
Покистон чегарачилари 5 сентябрь куни Чаман-Спин Булдак чегара пунктида афғонистонликларга қарата ўт очди. Бу ҳақда «Etilaatroz» хабар берди.
Маълум қилинишича, Афғонистон фуқаролари Покистонга кетаётганда уларга қарата ўқ узилган. Ҳодисада бир киши ҳалок бўлган, тўрт киши эса яраланган. Икки давлат ўртасидаги чегара пункти оғир автомобиллар учун ёпилган.
Аммо айни пайтда «Толибон» расмийлари Спин Булдак ва Чаман ўртасидаги йўл очиқлиги ва ҳеч қандай муаммо йўқлигини айтмоқда.
Аввалроқ Покистон аскарлари ва «Толибон» кучлари ўртасида Кунар вилоятининг Дангам ҳудудида тўқнашув юз берган. Уруш пайтида ҳар икки томон ҳам енгил ва оғир қуроллардан фойдаланган.
Эслатиб ўтамиз, аввалроқ Покистон чегарачилари ва «Толибон» ўртасида 28 июль куни ҳам тўқнашув юз берган. Шунингдек, Покистон 15 апрель куни чегарачилари ўлдирилгани сабабли Афғонистон ҳудудига авиазарба берган. берилган авиация ва артиллерия ҳужуми оқибатида камида 6 нафар тинч аҳоли, жумладан, 5 нафар вояга етмаганлар ҳалок бўлган. «Толибон» авиазарба сабабли Покистонга норозилик нотаси топширган.
Мавзуга доир хабарлар билан танишинг:
