Фарғона вилояти ИИБ матбуот хизмати юриб кетаётган автомашинадан тушиб кетган йигит бўйича маълумот берди.

Қайд этилишича, 2024 йил 16 июль куни Фарғона шаҳар Қиргули мавзеси Шифокорлар кўчасида фуқаро Н.К. бошқарувидаги Damas русумли автомашинасида йўловчи сифатида кетаётган фуқаро Д.П. автомобилнинг орқа эшигини очиб, сакраб юборган ва қарама-қарши томонидан келаётган автомобилнинг олд қисмига келиб урилган. Мазкур автомобиль эса йигитни босиб кетган.

Оқибатда, Д.П. тан жарохати олиб, касалхонада вафот этган.

Ҳозирда ҳолат юзасидан Жиноят кодексининг 266-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.