Мактаб битирувчиларининг олий ўқув юртларига кириш ўртача баллари сўнгги беш йилда 69,8 балдан 78 баллга ошганлиги аниқланди.Бу ҳақда Мактабгача ва мактаб таълими вазирлиги матбуот хизмати хабар берди.

Билим ва малакаларни баҳолаш агентлиги маълумотларига кўра, мактаб битирувчиларининг ОТМга кириш ўртача балл (2020 йилда 69,8 балл, 2021 йилда 74,9 балл, 2022 йилда 75,8 балл, 2023 йилда 76,1 балл, 2024 йилда 78 балл) ни ташкил қилган.

Маълум бўлишича, 2024 йилги абитуриентларга тегишли ўртача балл 70,8 ни ташкил этган. Жорий йил мактаб битирувчиларининг ўртача балли умумий кўрсаткичдан 7,2 балл юқорилиги аниқланди.

Шунингдек, максимал баллнинг 75 фоизидан юқорисини (141,75 + балл) эгаллаган 41 009 нафар абитуриентнинг 32 949 нафари ёки 80 фоизи айнан жорий йилдаги мактаб битирувчиларидир.