Meta асосчиси ва раҳбари Марк Цукербергнинг бойлиги ўсишда давом этмоқда. Ҳозирда унинг умумий капитали $206,2 миллиардга етиб, Илона Маскдан ўтиш учун унга «атига» $50 миллиард етишмаяпти. Маълумот учун, Маск ҳозирги вақтда жаҳондаги энг бой одам мақомини сақлаб турибди.

Bloomberg’га кўра, 2024 йилда Цукербергнинг бойлиги $78 миллиардга кўпайиб, жаҳон бойлари орасида энг йирик ўсиш қайд этган.

Цукербергнинг бойлиги асосан унинг Meta компаниясидаги 13% улушидан келиб чиққан холда шаклланиб, бунга Meta компаниясининг даромадлари ўсиб, таҳлилчиларнинг прогнозларидан кўпроқ пул ишилаши натижасида юз бермоқда.

Meta акциялари йил бошидан 68% га ошган. Ҳозирда компания акцияларининг ҳар бири $582,77 дан сотилмоқда. Meta’нинг «ўсиши» монетизация, сунъий интеллект ҳамда Metaverse каби йўналишлардаги катта ютуқлари билан боғлиқ.

Цукерберг ва унинг компанияси муваффақияти ижтимоий тармоқлар технологиялар бозорида фойдасини оширишга қодирлигини намоён этмоқда. Metaverse каби компаниянинг баъзи йўналишлари танқид қилинганига қарамай, Meta технологик секторда энг муваффақиятли корхоналаридан бири бўлиб қолмоқда.

Агар Цукерберг бойлигининг ўсиш темпи сақланиб қолса, яқин йилларда у Илона Маскдан ўтиб кетиши мумкин.