Секцияли радиатор ишлаб чиқарувчи AKFAComfort заводи Грузияга иситиш воситалари экспорти ҳажмини оширди. Завод ўзининг Andromeda ва Monza флагман моделлари билан Грузия бозорига кирди.

AKFAComfort секцияли радиаторлари кўпдан буён Озарбайжон, Қозоғистон, Туркманистон, Қирғизистон, Грузия каби давлатлар орасида импорт бўйича етакчи ўринларни эгаллаб келмоқда.

Сув қувурлари ва марказий иситиш тизимларининг Грузиядаги энг йирик импортчи компанияси –  SIBELTHERM корхонанинг янги мижозига айланди.

Таъкидлаш жоизки, мазкур компания иситиш тизимлари бозорида 20 йилдан зиёд вақтдан буён фаолият юритади ва йирик шаҳарларда ҳамда вилоятларда ҳам дўконлар ва савдо марказларининг катта тармоғига эга. SIBELTHERM ва AKFAComfort умумий ҳажми ойига 40-50 минг дона миқдорга тенг ойлик етказиб бериш бўйича ўзаро шартнома имзолади.

Маълумот учун, AKFAComfort Ўзбекистонда алюминий ва биметалл иситиш радиаторларини ишлаб чиқарувчи етакчи корхоналаридан бири саналади. Компания ишлаб чиқариш жараёнларини автоматлаштириш мақсадида Италия ва Германия етакчи брендларининг юқори технологик ускуналаридан фойдаланади, радиаторлар эса ишлаб чиқаришнинг барча босқичларида сифат назоратидан ўтади. Хомашё тегишли сифат сертификатига эга бўлган етакчи ишлаб чиқарувчилардан харид қилинади, алюминийнинг кириб келаётган ҳар бир партияси радиаторлар ишлаб чиқаришда техник шартларда белгиланган меъёрларга мувофиқлиги бўйича кимёвий таҳлилдан ўтказилади.

Мурожаат учун:

1. Колл-марказ: +998 71 203-00-00
2. Сайт: akfagroup.com
3. Instagram: @akfa_home