«Ижтимоий ҳимоя ягона реестри»га киритилган шахсларга фуқаролик ишлари бўйича судларга ва маъмурий судларга тааллуқли бўлган қуйидагилар ҳақидаги ишлар бўйича давлат ҳисобидан юридик ёрдам кўрсатилиши белгиланган. Бу ҳақда Ҳуқуқий ахборот каналида маълум қилинди.

Унга кўра:

• ижтимоий нафақалар ва моддий ёрдам тайинлаш ҳамда тўлаш тўғрисидаги;
• ишга тиклаш ҳақидаги;
• иш ҳақини ундириш тўғрисидаги;
• алиментларни ундириш ҳақидаги;
• уйга киритиш, турар жойдан фойдаланиш ҳуқуқини йўқотган деб топиш ва кўчириш тўғрисидаги;
• меҳнатда майиб бўлганлик ёки соғлиқнинг бошқача тарзда шикастланганлиги, шунингдек боқувчининг вафот этганлиги туфайли етказилган зарарнинг ўрнини қоплаш ҳақидаги.

Аввалроқ 2023 йилда моддий ёрдамга муҳтож фарзандлар фойдасига 2 трлн сўм алимент пуллари ундирилгани ҳақида хабар берилган эди.