Амбани доимо касаллик билан курашиб келган. Ҳаттоки унинг отаси никоҳ кечасида ҳаёти бир текисда кетмаётгани, тиканлар устида яшаётгани ҳақида сўзлади. Булар ҳақида гапираётганда, камера унинг юзини катталаштиради. Мукеш Амбани юзи чуқур қайғуга ботган, кўзлари ёшга тўлган ҳолатда сўзлайди. Бу кўз ёшлар пул билан барча нарсани сотиб олиб бўлмаслигини яна бир бор исботлайди.
13:07 | 23.07.24
Дунёдаги энг бадавлат куёв қандай касалликка чалингани маълум бўлди
Дунёдаги энг бадавлат куёв қандай касалликка чалингани ва нима учун семизлик билан курашиши маълум бўлди. Унинг отаси тиканлар устида яшашини айтган.
Мукеш Амбанининг кичик ўғли учун ташкил этилган ва март ойидан бошлаб давом этган ҳашаматли тўй турли давлатлар ОАВларида ҳамда ижтимоий тармоқларда муҳокамаларга сабаб бўлди. Одамлар миллиардер оила, эҳтимол, уларнинг тўйлари ва бойликлари ҳақида кўпроқ нарса билишга ҳаракат қилди. Фотосуратлардан маълумки, Анант Амбани мунтазам ортиқча вазн билан курашади. Маҳаллий ОАВлардан бири бунинг сабабларини очиқлади.
Анант Амбани қандай касалликка чалинган?
Анант Амбани болалигидан сурункали астма билан курашиб келади. Унинг аҳволини бошқариш учун унга юқори дозадаги стероидлар буюрилган, бу унинг вазнини оширишга катта ҳисса қўшган. Унинг дори-дармонларининг ножўя таъсирини бартараф этиш ва сезиларли даражада вазн йўқотиши кўпчиликка илҳом берди.
Анант ортиқча вазндан қутулиш учун тез-тез саёҳат қилди. Ҳар доим қатъий режим ва парҳез туфайли 18 ой ичида тахминан 108 килограмм йўқотди. Машаққатли меҳнати сабаб унинг вазни 208 килограммдан 100 килограммга тушди. Аммо маълум вақт ўтгач, яна ортиқча вазн тўплай бошлади. Миллиардер ҳар куни мунтазам равишда югуриш, функционал ва юқори интенсив кардио машғулотларни бажариб юриши эса сўнгги вақтларда натижа бермай қўйди.
2017 йилда унинг онаси ва Reliance Foundation раиси Нита Амбани маҳаллий ОАВга интервью берди ва суҳбат чоғида ўғлининг астма касаллигидан азият чекиши ҳамда стероид гормонлари билан даволангани учун семизлик келиб чиққани ҳақида сўзлаб берди. Шунингдек, Нита Амбани фарзандининг семиз кўринишидан уялмаслиги ҳамда Анант қайта нормал ҳолатига қайтиши учун доим ёрдам бериши ҳақида ҳам айтиб ўтди.
Стероидларнинг вазнга таъсири
Манипал касалхонасининг пулмонологи, шифокор Пиюш Гоэл томонидан Times Nоw Digital нашрига берган интервьюсида кучли астма ва қабул қилинган стероидлар ўртасидаги боғлиқлик борлигини тасдиқлади. Анант болалигидан астма билан оғригани ва узоқ йиллар давомида стероидларни истеъмол қилгани сабабли у сўнгги етти йил ичида семириб кетган.
Анант аутистми?
Дабдабали тўй маросими бўлиб ўтаётган вақтда миллиардер ўғли аутизм синдроми билан оғриши ҳақидаги миш-мишлар тарқалди. Аммо буни тасдиқлайдиган аниқ маълумотлар мавжуд эмас.
Анант Амбанининг бойлиги ошкор этилмаса-да, у дунёдаги энг бой оилалардан бирининг аъзоси. Амбанилар оиласининг умумий бойлиги 100 миллиард доллардан ошади, бу асосан уларнинг Reliance Industries Limited (RIL) компаниясидан келадиган даромад орқалидир.
Анант Амбани оилавий бизнеснинг турли жабҳаларида иштирок этади. У Reliance компанияси бўлимларидан бирининг директори лавозимида ишлайди. Компания асосан энергетика ва чакана савдо тармоқлари билан машҳур. Шунингдек, Анант уйсиз қолган ҳайвонлар ва имконияти чекланганларга ёрдам бериши билан ҳам танилган, шунингдек, у бир нечта хайрия ташаббусларига ҳисса қўшган. У Vantara Reliance Industries ва Reliance Foundation билан ҳамкорликда қутқарув, табиатни муҳофаза қилиш ва реабилитация марказини ташкил этган.
Маълумот учун, Анант Амбани 1995 йилнинг 10 апрелида туғилган. 29 ёшли Анант Мумбайдаги халқаро мактабда ўрта-махсус таълимини олгач, Америкадаги Браун университетига иқтисод йўналишига топширган. Амбани доимо касаллик билан курашиб келган. Ҳаттоки унинг отаси никоҳ кечасида ҳаёти бир текисда кетмаётгани, тиканлар устида яшаётгани ҳақида сўзлади. Булар ҳақида гапираётганда, камера унинг юзини катталаштиради. Мукеш Амбани юзи чуқур қайғуга ботган, кўзлари ёшга тўлган ҳолатда сўзлайди. Бу кўз ёшлар пул билан барча нарсани сотиб олиб бўлмаслигини яна бир бор исботлайди.
Турли маълумотларга кўра, Анант Амбани тўйининг умумий қиймати 600 минг долларга баҳоланган (шунингдек, унаштирувга 300 минг доллар сарфланган). Ғайриоддий тадбирда бир нечта маросимлар, дабдабали безаклар, жаҳон даражасидаги ўйин-кулгилар ва гурме ошхоналари мавжуд эди. Аниқ рақамлар шахсий, аммо тўйнинг кўлами ва улуғворлиги оммавий ахборот воситаларида кенг ёритилди.
Мавзуга доир хабарлар билан танишинг:
