10:18 | 19.06.23 1438
Имтиҳон жараёнида берилган тест саволлари бошқа сменаларда қайтарилмаслиги айтилди
Ҳар бир смена учун алоҳида тест саволлари шакллантирилган
Давлат олий таълим муассасаларига қабул имтиҳонлари бошланишидан олдин абитуриентларда турли саволлар кўпая бошлайди. Худди шундай саволлардан бири — ўтган йилги саволлар бу йил ҳам такрорланиши мумкинми?
Ушбу саволга Билимни баҳолаш агентлиги мутахассислари томонидан «Абитуриент-2023» кўрсатувида жавоб берилди.
Тест синовлари бир кунда икки сменада бўлиб ўтади. Биринчи сменада тушган тест вариантлари иккинчи сменада такрорланмайди.
Тест синовлари 15 кун давомида 2 сменада бўлиб ўтади ва ҳар бир смена учун тегишли фанлар бўйича алоҳида тест топшириқлари базаси шакллантирилиши айтилди.
Масъуллар тест вариантларининг тенг кучлилиги таъминланишини ҳам билдириб ўтди.
