Ижтимоий тармоқларда Ёшлар сиёсати ва спорт вазирлигининг расмий сайти хакерлар томонидан бузиб кирилгани ҳақида хабарлар тарқалганди. Мазкур ҳолат бўйича Ёшлар сиёсати ва спорт вазирлиги расмий муносабат билдирган.

Вазирлик расмий веб сайтининг киберҳужумга учрагани бўйича Киберхавфсизлик маркази билан биргаликда дастлабки тезкор ўрганишлар ўтказилиб, сайтдаги бўшлиқлар тўлдирилган. Киберҳужум оқибатида жиддий талафот кўрилмаган.

Ҳозирда вазирлик расмий веб-сайтини киберҳужумларга қарши ҳимоялаш юзасидан қўшимча чора-тадбирлар белгиланиб, амалга оширилмоқда.

Эслатиб ўтамиз, аввалроқ, Сенат сайтига киберҳужум уюштирганларга жиноят иши қўзғатилгани ҳақида хабар қилинганди.